تلفون : 83741732 بريد الكتروني :Contact@akhirlahza.net فاكس : 83793073 - 83740992
الخرطوم ,

وديني لبلدي

وديني لبلدي

اسحق الحلنقي

وديني لي بلدي .. قوم يللا من بدري
كل لحظة تمر .. محسوبة من عمري
وديني لي بلدي .. لي طيب روابيها
نرتاح من الالام .. في ضل سواقيها
امي البريدا انا .. ارجع اعود ليها
يبقى الزمن طيب .. من طيبتا الفيها
تاني ما بغلط .. انسى الوطن ساعة
الساعة كان عدت .. ما بحمل اوجاعا
شوف قلبي في الغربة .. احلى السنين باعا
تاني ما برجع .. لي غربة خداعة
يا زاهي يا وطني .. أنا ديمة عايزاك فوق
فوق النجوم زاهي .. في العالي ما ملحوق
ما تنسو يا غايبين .. للنيل علينا حقوق
وديني لي بلدي .. وديني لي بلدي
قوم يلا من بدي .. وديني لي أهلي يللا من بدري
كل لحظة تمر .. أنا كل لحظة تمر .. محسوبة من عمري

======

حمام الوادي
حمام الوادي يا راحل مع النسمة الفرايحية
مع الياسمين عز الليل تواصل قافية منسية
صغارك مشتهين ترجع تضم العش بحنية
تسيبهم مش حرام للريح وعارف القاسوه ما شوية
تقول لي ماشي من بكرة مهاجر لوطن تاني
مفارق خضرة النيلين وعشك فايتو وحداني
ده انت القلت ما بتفوت وطن بالعزة رباني
أهداك جو تعيش فيهو أهداك غيم تطير ليهو
وجوة عيونو ختاني
بلادك حلوة أرجع ليها دار الغربة ما بترحم
وطوف بجناحك الوادي تلقى الخضرة تنسى الهم
رياض ورد الضفاف الساقية ضمو عليك واتنسم
وتعال لأهلك الطيبين ملوك العزة ما بتندم

قراء 1332 مرات
الى الاعلي